Strukturat e Policisë së Shtetit, ndryshime në Sarandë e Himarë

Vijojnë ndryshimet në komisariate e drejtori vendore policie në vend.

Gjatë ditëve të fundit, ndryshime janë shënuar dhe në komisariatin e Sarandës e të Himarës.
Burimet bëjnë me dije se Viktor Gogaj nga Zv/Shef i Komisariatit Sarandë është emëruar drejtues Komisariati në Himarë.

Gjithashtu Haki Koshi u vendos Shef i Postës së Policisë Livadhja e në vend të tij si Zv/Shef Qarkullimi në Sarandë është emëruar Ermal Kodhima. Ndër të tjera, thuhet se Edilion Kolagji është emëruar Komandant i Repartit “Shqiponja” ndërsa lëvizje ka pasur edhe në sektorin e krimeve ku janë transferuar disa oficerë.

Në Sarandë përgjatë kësaj të mërkure ka qenë i pranishëm dhe Drejtori i DVP Vlorë, Gentian Berberi i cili ka bërë një mbledhje me drejtuesit e uniformave blu. Gjithashtu është bërë një analizë për punën e kryer deri më tani nga ky komisariat.