“Kanë zero vendimmarrje”, Sali Berisha: Gazment Bardhi të verifikojë çfarë të dojë

Ish-kryeministri, Sali Berisha, ka bërë një ndërhyrje në emisioni “Opinion”, i cili ka folur për mbledhjen e Kuvendit Kombëtar.

Duke iu përgjigjur deklaratave të Sekretarit të Përgjithshëm të Partisë Demokratike, Gazmend Bardhi i cili tha se firmat duhen të verifikohen, Berisha tha se vendimmarrja është e gjithë tyre që kanë firmosur, atyre grave dhe burrave që kanë vendosur

“Ka një statut që përcakton se si mblidhet Kuvendi. Ka lista. Zoti Bardhi të shkojë të verifikojë çfarë të dojë. Transparencë po, vendimmarrje jo. Vendimmarrja është e gjithë tyre që kanë firmosur, atyre grave dhe burrave që kanë vendosur. E kanë ata në dorë. Këta kanë zero vendimmarrje. Media dhe Bardhi të shkojë dhe të verifikojë çfarë të dojë” – ka thënë Sali Berisha.

Berisha gjithashtu ka thënë se Kryesia nuk mund ta çojë në gjykatë këtë aksion, sepse nuk ka asnjë tagër.