Klubi i Barcelonës ndodhet në një situatë shumë të vështirë dhe Xavi Hernandez do i duhej shumë punë dhe emra të mëdhenj për të ringritur ish-skuadrën e tij.
Duke folur nga një program televiziv ish-kandidati për president i Barcelonës, Toni Freixa është pyetur për një transferim të mundshëm të Cristiano Ronaldos te Barça.
“Nëse ka një moment për ta bërë këtë çmenduri, është tani…”,-tha Freixa.
Më tej ai ka folur edhe për vendosjen e Xavit në krye të stolit katalanas dhe për rregullat e reja të vendosura nga ish-mesfushori.
“Xavi nuk vjen me idenë për të vendosur gjoba dhe për të përndjekur lojtarët. Ai dëshiron t’i bindë ata për një ide, t’i bëjë ata të luajnë në një mënyrë, t’i bëjë të kënaqen”,-tha ndër të tjera ai.
Do ishte habi të shihej Ronaldo të luante me fanellën e Barcelonës, por asnjëherë nuk i dihet./K.T/Gijotina.com
Discussion about this post