Kontrolli i Lartë i Shtetit ka zbuluar shkelje në koncesionin e Check-up në shëndetësi .
KLSH bën me dije se janë bërë pagesa të paligjshme duke përfshire edhe tatimin mbi vlerën e shtuar prej 20% në një kohë kur shumë shërbime përjashtohen nga TVSH.
“Konstatohet se edhe për vitin 2020 vijojnë të pranohen dhe likuidohen faturat tatimore mujore të Check-Up, lëshuar nga koncesionari, në vlerën totale 322 milion lekë në të cilën përfshihet edhe TVSH në masën 20% mbi vlerën e shërbimit shëndetësor, ndërkohë që ky shërbim duhet të trajtohet si Furnizim i Përjashtuar nga TVSH. Praktika vazhdon bazuar edhe në interpretimin e DPT, e cila ka referuar shërbimin si të tatueshëm”, shkruhet në raport.
Shërbimet e përjashtuara nga TVSH janë:
-furnizimi i barnave, pajisjeve mjekësore të implantueshme aktive dhe pajisjeve mjekësore të implantueshme
-Furnizimi i shërbimeve shëndetësore dhe veprimeve të lidhura ngushtë me to, që kanë për qëllim mbrojtjen e shëndetit të shtetasve, përfshirë parandalimin, diagnozën, trajtimin, kurimin e sëmundjes apo çrregullimeve shëndetësore dhe rehabilitimin, nga institucionet shëndetësore publike ose private, të njohura si të tilla nga autoriteti kompetent shëndetësor
-Furnizimet e shërbimeve shëndetësore, të ofruara për qëllime të kujdesit për shëndetin, në kuadër të ushtrimit të profesionit mjekësor ose paramjekësor, të njohur si të tillë dhe të licencuar, sipas legjislacionit në fuqi për licencimin
-furnizimi i organeve, gjakut dhe të qumështit njerëzor
-furnizimet e shërbimeve shëndetësore, të kryera në kuadrin e profesionit të tyre nga stomatologët dhe laborantët dentarë
Kontrolli i Lartë i Shtetit bën me dije se dëmi i shkaktuar është 800 mln lekë, të cilat i janë dhënë në mënyrë të padrejtë koncesionit.
Discussion about this post