Nga selia blu, sekretari i Përgjithshëm, Gazement Bardhi përsëriti akuzat e djeshme kur tha se një person i afërt me Ronaldo Rakipin është rreshtuar në krah të Sali Berishës.
Bardhi zbuloi se bëhet fjalë për shefin e shtabit zgjedhor të Ronaldo Rakipit, i cili sipas tij doli në rreshtin e parë të njerëzve të ulur në konferencën që mbajti ish-kryeministri Berisha në Tiranë.
“Është e pamundur të verifikohen 5000 firma në 1 orë sa është afati i Kuvendit Kombëtar. Ka dhe një procedurë shtesë për verifikimin e firmave. Nga e dini ju kush janë delegatët e PD? Kjo është të tallesh. Kjo është të bësh listë shokësh. Na jep dhe Qifja ndonjë emër aty dhe e fusim. Ky grup nismëtar në rreshtin e parë do të bënte verifikimin. Ky në grup të parë ishte shefi i shtabit të Orlando Rakipit. Ky do verifikojë mandatet e Kuvendit të PD-së? T’i dorëzojmë partinë Qifes. E ka bërë njëherë PD këtë gabim në Elbasan. I hoqëm votat PD dhe ia dhamë PDIU. Nuk e bëjmë më këtë gabim. Ai që është në rresht të pare që solli në pushtet Edi Ramën është pro PD-së, ndërsa ne që denoncojmë ata qenkemi armiq të PD-së”, deklaroi Bardhi.
Mësohet se bëhet fjalë për Keltis Krujën, dikur deputet i Partisë Demokratike.
Discussion about this post