Grabitje nga maskat dhe marrja e 3,000 eurove kanë qenë elementët me të cilat një person ende i paidentifikuar ka përdorur për të mashtruar policinë.Mësohet se personi në fjalë jeton në Gjakovë dhe ka inskenuar rrëmbimin e tij.
Lajmi është bërë i ditur nga policia e Kosovës, ku thuhet se rreth orës 08:47, Stacioni Policor në Deçan, është telefonuar se në rrugën Deçan – Gjakovë, një person është i lidhur me litar pranë një automjeti.
Pas marrjes së denoncimit policia ka shkuar në vendngjarje për të kryer hetimet e nevojshme dhe ka dërguar në spital “ të rrëmbyerin”.Sipas të arrestuari ai po udhëtonte me makinën e tij në drejtim të Deçanit ku është ndaluar nga tre persona të maskuar dhe të armatosur, të cilët sipas tij, i kishin grabitur rreth 3,000 euro.
Nga verifikimet e kryera policia doli në konkluzionin se grabitja nuk ishte kryer dhe gjithçka ishte fantazi e personit tanimë të arrestuar.
Discussion about this post