Bashkia e Tiranës ka shkelur ligjin, pasi ka vendosur një bibliotekë në funksion të fushatës elektorale të kandidatit për deputet Alqi Bllako i PS. Komisioneri Shtetëror i Zgjedhjeve, Ilirian Celibashi i vlerësoi si të mjaftueshme provat e ‘Qëndresës Qytetare’.
Pamjet në të cilat shfaqej kryetari i Bashkisë Tiranë, Erion Veliaj, së bashku me kandidatin Alqi Bllako në ambientet e bibliotekës “Moikom Zeqo” janë pranuar nga KQZ si prova të mjaftueshme për të konstatuar shkeljen e kodit zgjedhor.
Komisioneri Ilirian Celibashi konfirmoi shkeljen dhe bëri me dije se administratorët e këtij aseti do të mbajnë përgjegjësi.
Florian Pullazi, administrator i njësisë nr. 2 tha se nuk ka asnjë dijeni në lidhje me rastin. Rigels Xhemollari, drejtor ekzekutiv i organizatës “Qëndresa Qytetare” përsëriti dhe një herë para komisionerit se çdo përdorim i aseteve publike për qëllime elektorale është në kundërshtim me kodin zgjedhor duke kërkuar që të merren masa ndaj këtij rasti.
Discussion about this post