I zgjedhur si banori i preferuar i shtëpisë, ish-futbollisti, Kledi Hysa u favorizua nga produksioni duke i dhënë mundësinë të zgjidhte njërën nga vajzat për të konsumuar një darkë romantike.Zgjedhja e Kledit ishte këngëtarja simpatike, Beatrix Ramosaj, për të cilën kishte shfaqur simpati, e madje i është rrëfyer djemve se këngëtarja i ka ngjallur interesin për ta njohur më shumë.
“E pëlqej, doja ta njihja pak më shumë. Do t’ia lë kohës”- është shprehur ai.
Kjo situatë në shtëpi vjen vetëm pak kohë pasi ish-futbollisti është zbuluar se jashtë ka një lidhje me një vajzë gjermane.E dashura e Kledit, jashtë shtëpisë ka dhënë një intervistë ku është shprehur se nuk e ndjek me dëshirë të madhe, por për të Kledi mbetet i dashur, e mbase më shumë seç duhet.
“Nuk e shoh me aq dëshirë të madhe, natyrisht, por ai është Kledi, është i dashur, më i dashur seç duhet, por nuk jam xheloze për këtë, sepse e di se si është Kledi”, kishte thënë Haula.
E pyetur se si është ndjerë kur ai u përgjigj ‘No Comment’ për statusin e tij nëse është single apo në lidhje, ajo u përgjigj se ka 6 vite lidhje me Kledin dhe kjo përgjigjie është korrekte.
“Ne kemi 6 vjet bashkë. Për mua është shumë korrekte që ai nuk flet për jetën private.”
Discussion about this post