Transportonte emigrantë të paligjshëm, nuk iu bind thirrjes së policisë dhe aksidentohet në afërsi të ‘Ujit të ftohtë’

Një aksident ka ndodhur rreth orës 19:20, në aksin rrugor Kakavije-Gjirokastër, në afërsi të lagjes “Kordhoc”, shërbimet e policisë kanë konstatuar automjetin tip “Benz”, që drejtohej nga personi me inicialet A. K., 20 vjeç, banues në Tiranë, i cili dyshohej se transportonte emigrantë të paligjshëm.

Shërbimet e policisë i kanë bërë shenjë për të ndaluar por drejtuesi i mjetit nuk i është bindur urdhrit të punonjësit të policisë, duke shtuar shpejtësinë e mjetit.

Për pasojë në vendin e quajtur “Uji i ftohtë”, Tepelenë mjeti tip “Benz” ka dalë nga rruga dhe si rezultat kanë mbetur të dëmtuar drejtuesi i mjetit dhe 3 emigrantë të paligjshëm që ndodheshin në mjet, të cilët janë transportuar për në Spitalin Rajonal Gjirokastër, pa probleme për jetën.

Menjëherë në vendngjarje ka mbërritur ambulanca, e cila i ka transportuar të lënduarit në Spitalin Rajonal të Gjirokastrës. Ndërkohë, policia ndodhet në vendngjarje për të zbardhur shkaqet e aksidentit.