Makina aksidenton rëndë djalin e mitur në Tiranë

Një djalë i mitur 13-vjeçar është aksidentuar nga një mjet këtë të shtunë në vendin e quajtur “Kthesa e Yzberishtit”, në kryeqytet.

Burimet zyrtare të policisë që konfirmuan ngjarjen thanë se i mituri ndodhet në spital, fatmirësisht jashtë rrezikut për jetën.

Grupi Hetimor po punon për sqarimin e rrethanave të aksidentit njofton policia.

“Me datë 13.11.2021, në orën 12:10, në vendin e quajtur “Kthesa e Yzberishtit”, mjeti me drejtues shtetasin E. Ç., ka aksidentuar një shtetas të mitur 13-vjeçar, i cili për pasojë është dëmtuar, dhe ndodhet në spital, jashtë rrezikut për jetën.

Grupi Hetimor është në vendngjarje dhe po punon për sqarimin e rrethanave të aksidentit”- thuhet në njoftimin e policisë.