Pas skandalit të publikuar ditën e djeshme, kur SPAK zbuloi se biznesmeni i njohur Rezart Taçi ishte pjesë e një rrjeti për pastrim parash në lidhje me mafian italian, sot vjen një tjetër lajmi rëndësishëm. Ndërkohë që Taçi ndodhet ende në kërkim, Prokuroria e Posaçme tregon se ka thelluar hetimet për të zbardhur detaje nga ky rrjet kriminal.
SPAK ka bërë të ditur sot se ka kërkuar informacion nga bankat në vend, për të zbuluar nëse ka llogari të tjera bankare ku Taçi me dy bashkëpunëtorët e tij kanë bërë transaksione parash të pista.
Hetimet po kryhen dhe për personat që kanë bashkëpunuar me Taçin, dy prej të cilëve u arrestuan ditën e djeshme. Bledat Lilo dhe Artur Balla janë dy bashkëpunëtorët e Taçit të cilët u vunë në pranga, ndërsa vetë biznesmeni është shpallur në kërkim pasi nuk u gjet në banesë.
Bi Rezart Taçi është shpallur në kërkim nga Prokuroria e Posaçme kundër Korrupsionit dhe Krimit të Organizuar ditën e djeshme. Në pranga kanë përfunduar dy bashkëpunëtorët e tij Artur Balla dhe Bledar Lilo. Ish-bossi i kompanisë së naftës “ARMO”, akuzohet se është i përfshirë në pastrimin e parave nga veprimtaritë kriminale, vepër penale kjo e ngritur dhe për dy bashkëpunëtorët e tij. Taçi dyshohet se bashkëpunonte në Itali me 90-vjeçarin Francesco Zummon dhe Fabio Petruzzella-n, të cilët janë dy nga italianët e arrestuar në Itali, si të përfshirë në skemën e pastrimit të parave, ndërsa janë në kërkim ende edhe dy italianët e tjerë. Nga ana e tij, Taçi i mohoi akuzat duke thënë se do ta ankimojë vendimin, ndërsa dy të arrestuarit po merren në pyetje për më shumë detaje.
Discussion about this post