Elein Djuk sekretarja amerikane për sigurinë e brendshme deklaroi se Isis po përgatiste një sulm të ngjashëm me atë të 11 shtatorit. Sipas saj xhihadistët po kryejnë sulme me thika dhe furgonë në Europë për tu përgatitur për një shpërthim tjetër të madh
Terroristët islamikë të Isis, aktualisht në vështirësi në bastionet e tyre në Irak dhe Siri, po përgatisin një tjetër atentat të madh si ai i 11 shtatorit 2001 i Al Kaedës së Osama Bin Laden. Alarmi është dhënë nga sekretarja amerikane për sigurinë e brendshme Elein Djuk gjatë një fjalimi në ambasadën e Londrës. Sipas saj xhihadistët po kryejnë sulme me thika dhe furgonë në vende si Mbretëria e Bahskuar, Francë dhe Spanjë për të mbajtur n gadishmëri grupet e tyre për një tjetër shpërthim të madh.
Djuk këmbënguli se shërbimet e inteligjencës kanë gjetur elemente që tregojnë përgatitjen e një plani të ri për përdorimin e avionëve si një armë për të shkaktuar me mijëra viktima civile si në sulmin e 11 shtatorit. Ajo është e bindur se Isis në këtë moment po përqendrohet në një objektiv shumë të madh dhe po mbledhin para për ta realizuar këtë. Djuk mendon se ata synojnë të terrorizojnë njerëzit me sulme të tilla si ato në vendet europiane por kjo nuk do të thotë se kanë hequr dorë nga një atentat i madh me avionë.
