Deputetja e Partisë Demokratike, Grida Duma, gjatë një interviste për emisionin “Goca dhe Gra”, u shpreh jo vetëm në lidhje me aktualitetin politik, por edhe për shenjën e zodiakut dhe dimensionet e saj në shtëpi.
Grida tregon se Binjakët (shenja e zodiakut) janë partnerët më të mirë, sepse sipas saj janë më të paparashikueshmit, sidomos kur vjen puna në çift.
“Jemi të paparashikueshëm. Nuk e dimë se cili prej të dyve jemi në atë moment. Sidomos në çift aty ku egoizmi është më i lartë dhe oshilacioni midis shumë të këndshmit dhe shumë të pamenaxhueshmit është më i lartë. Jeta e bukur është me këdo që pranon veten ashtu siç është dhe e shijon me cinizëm. Kur fillon dhe shijon gjithë gjërat e pakëndshme që ke dhe fillon dhe ngacmon veten.”- shprehet deputetja e PD-së
Ajo gjithashtu shprehet se në shtëpi ka dy dimensione. Grida tha edhe që nuk ka shumë nerva për të gatuar, por gjërat i do të shëndetshme.
“Unë kam dy dimensione në shtëpi. Së pari kur hy në shtëpi dua të vesh pizhamet e ngrohta, të rri me papuçe të gjëra me pizhama të gjera. Në verë kam ftohtë gjithmonë jam një felin. Unë nuk gatuaj që të them se di të bëj këtë e këtë, nuk kam as durim. Që të bëj një tavë me 8 përbërës, nuk kam nerva. Por gjërat i dua të shëndetshme, gatuaj shpejt por të shëndetshme. Më pëlqen të bëj pulë, jo në furrë se nuk kam kohë.”- thotë Grida Duma.
Gjatë intervistës së saj Duma u ndal dhe tek zonjat me sharmë të politikës shqiptare, ku veçoi Arta Daden, Mimi Kodhelin dhe Blerina Gjylametin nga kampi i majtë, ndërkohë që nga kampi i djathtë zgjodhi Jozefina Topallin, Majlinda Bregun dhe Jorida Tabakun.
Discussion about this post