Pas disa ditëve me reshje intensive në vend, të cilat kanë krijuar problematika në disa vende, pritet që sipas parashikimeve nga nesër e në ditët në vazhdim të ulet intensiteti i tyre.
Sipas llogaritjeve hidrologjike të Institutit të Gjeoshkencave, nesër dhe ditët në vazhdim, si rezultat i reshjeve me intensitet të ulët, në lumenjtë e mëdhenj dhe të mesëm prurjet dhe nivelet pritet të bien.
Sot pasdite dhe nesër priten reshje mesatare deri lokalisht intensive në qarqet Shkodër, Kukës, Vlorë dhe Gjirokastër, ndërsa në qarqet e tjera priten reshje mesatare.
Reshjet pritet të shoqërohen edhe me shtrëngata në qarqet Shkodër, Vlorë dhe Gjirokastër. Reshjet në lartësinë mbi 600 m mbi nivelin e detit, pritet të jenë në formë dëbore.
Discussion about this post