Mediat italiane kanë zbardhur detaje nga arrestimi i një shqiptari në doganën e Ponte Chiasso, teksa transportonte dy kilogramë kokainë nga Zvicra për në Como.
Mëësohet se shqiptari i arrestuar më 18 janar është 39-vjeçari Orgi Jahai. Ai ishte nisur nga Lugano me trenin që ishte nisur për në Milano dhe pothuajse kishte kaluar kufirin, kur u kontrollua nga agjentët e Gdf.
Kokaina ishte e ndarë në dy “bukë” të fshehura mirë brenda valixhes dhe nëse do të hidhej në treg do të kapte vlerën e mbi 80 mijë eurove.
39-vjeçari u arrestua dhe u dërgua në Bassone, në pritje për t’u dëgjuar nga gjyqtari i hetimeve paraprake të Como.
Sakaq arrestimi i të mërkurës është kapja e dytë e madhe e drogës e kryer në pak ditë nga policia financiare në Ponte Chiasso.
Pak ditë para Krishtlindjeve, një banor i Komos në Ticino ishte arrestuar pasi në automjetin e tij iu gjetën 37.5 kg marijuanë të ndarë në 33 thasë, por me destinacion të kundërt me atë të së mërkurës. Në fakt, burri po udhëtonte në drejtim të Zvicrës, më saktë për në Lugano.
Discussion about this post