Partia Demokraike ka deklaruar se ministrja e Arsimit, Evis Kushi, ka mbyllur 56 shkolla të arsimit parauniversitar për shkak të reshjeve të shiut dhe pavarësisht se ishte në dijeni të problematikave “qëndroi në botën e çudiravetë krijuar nga vetë ajo, duke mos marrë asnjë masë për zhvillimin e mësimit online”.
Në një deklaratë, drejtuesja e departamentit të arsimit në PD, Lili Sula tha se ministrja Evis Kushi “duhet të sqarojë ku janë platformat digjitale “E – learning System”dhe “Sokrates” me vlerë miliona euro, si dhe t’u thotë nxënësve, mësuesve e prindërve pse nuk po funksionon platforma SMIT me vlerë 8 milionë euro për mësim online”.
Ajo shtoi se Kushi duhet të japë shifra të sakta e të mbajë përgjegjësi për braktisjen e arsimit prej të rinjve e largimin e tyre nga vendi, për shkollat e bashkuara e klasat kolektive të nxënësve dhe rritjen e analfabetizmit funksional.
Discussion about this post