Reshje të dendura dëbore kanë bllokuar sot aksin rrugor Panarit – Shtyllë në Bashkinë Korçë.
Bora arrin deri në 2 metra në pjesë të caktuara, ndërsa po punohet për hapjen e rrugës me disa mjete. Më herët Ministria e Mbrojtjes ka bërë thirrje që qytetarët të evitojnë lëvizjet për qëllime turistike në vende malore.
Ndërkaq sinoptikanët kanë parashikuar që ditët në vazhdim të kenë shtim të reshjeve te dëborës dhe ulje të temperaturave.
Sipas njoftimit, pritet që ditën e sotme dhe të nesërme të ketë reshje shiu në të gjithë vendin ndërsa reshje dëbore me intensitet të ulët dhe mesatar në qarqet Shkodër, Dibër, Korçë dhe Gjirokastër.
Në Shkodër janë dëmtuar 4 ura, përkatësisht ura në fshatin Bardhaj, ura e Gjinajve në njësinë administrative Vig-Mnele të bashkisë Vau-Dejës, ura që lidh fshatin Kolsh dhe lagjen Malësia në bashkinë Lezhë dhe ura në vendin e quajtur Kodër Mulliri po në këtë bashki.
Discussion about this post