Gjenden tre të mitura në Tiranë, ishin zhdukur…

Policia e Tiranës njofton se tre vajza të mitura janë gjetur në kryeqytet.

Ata ishin zhdukur prej disa ditësh, teksa kishin ikur nga shtëpitë e tyre në Maqellarë, Dibër. Pas denoncimit nga baballarët, vajzat e mitura janë gjendur nga uniformat blu.

Njoftimi i policisë:

Dibër/ Me datë 22.01.2023, rreth orës 19.30,  në  Postën e Policisë Maqellarë janë paraqitur dhe kanë bërë kallzim shtetasit  L.P., dhe M.H., të cilët kanë deklaruar se janë larguar nga banesa pa adresë tre vajzat e tyre të mitura.

Menjëherë është bërë shpallja në kërkim dhe si rezultat i shkëmbimit të informacionit dhe veprimeve të mirë koordinuara me shërbimet e DVP Tiranë, është bërë e mundur gjetja e tre shtetasve të mitura në Tiranë, të cilat janë shoqëruar nga Policia në Komisariatin nr 1.

Të miturat ndodhen në gjendje të mirë shëndetësore dhe po meren në pyetje në prani të psikologut.