Detaje të reja kanë dalë në pah lidhur me ngjarjen e rëndë të mbrëmjes së sotme, të ndodhur në zonën e Astirit, ku mbetën të vdekur dy persona si pasojë e një atentati të kryer ndaj tyre.
Mësohet se atentatorët kanë qëllluar teksa ishin në lëvizje, në drejtim të një mjeti ‘Audi’ A 8 me targa AB008EM, ku po udhëtonin dy viktimat.
Deri në këto momente është identifikuar vetëm njëri nga viktimat, i cili mësohet se është Rigers Mihasi, i njohur ndryshe me nofkën “Boli”.
Gjithashtu mësohet se plumbat kanë kapur automjetin në anën e pasagjerit ku plumbat kanë shpuar tej për tej xhamin e automjetit.
Policia po punon për identifikimin dhe kapjen e autorëve, teksa ka njoftuar se në hyrje dhe në dalje të Tiranës janë ngritur pika të shumta kontrolli.
Discussion about this post