Aksident masiv në Lezhë, 2 të plagosur

Një aksident i frikshëm është shënuar në lagjen “Gurra” të Lezhës, ku janë përplasur 3 automjete me njëri-tjetrin.

Njëra prej makinave është përmbysur në rrugë. Gjithashtu mësohet se 2 persona kanë mbetur të lënduar dhe janë dërguar në Spitalin Rajonal të Lezhës, ku ndodhen nën kujdesin e bluzave të bardha, jashtë rrezikut për jetën.

Policia ka mbërritur menjëherë në vendngjarje dhe ka nisur hetimet për zbardhjen e plotë të rrethanave të aksidentit, nga i cili është bllokuar edhe aksi i vjetër rrugor Lezhë-Milot.