Studentët që jetojnë në godinat e Konvikteve të Universitetit Bujqësor të Tiranës nuk kanë as ujë të ngrohtë brenda.
Syri TV ka publikuar një audio-denoncim të bërë nga një student, i cili thotë se drejtoresha e Konvikteve nuk pret ankesat e tyre, dhe i vetmi kontakt që kanë është me përgjegjësen e godinave, e cila u thotë se presin zgjidhje nga Bashkia Tiranë.
Përveç mungesës së dusheve dhe ujit të ngrohtë, një tjetër problematikë me të cilën hasen studentet është edhe mungesa e energjisë elektrike për shkak të linjave të dobëta.
Problem mbetet edhe fakti që studentët janë futur në godinat e rindërtuara, por e gjithë zona vijon të jetë një kantier ndërtimi.
Vetë kryebashkiaku Erion Veliaj u premtoi kushte moderne, por sot studentët nuk kanë as kushtet më minimale. Në muajin tetor Erion Veliaj përuroi konviktet e reja të Universitetit Bujqësor të Tiranës.
Discussion about this post