Komisioni për Çështjet Ligjore shtyrton këtë të martë projektligjin për ratifikimin e marrëveshjes së bashkëpunimit, ndërmjet Shqipërisë dhe Maqedonisë së veriut, për rikthimin e ikonave të trafikuara në vendin e tyre të origjinës.
Gjatë fjalës së saj Zv. Ministrja e Kulturës, Meri Kumbe, bëri me dije se janë 2200 objekte të tilla të humbura dhe të trafikuara gjatë 30 viteve të fundit.
Ajo sqaroi ligjvënësit procedurat që ndiqen për verifikimin e auticitetin të këtyre veprave të artit.
“Çdo vepër arti i nënshtrohet edhe një testi specifik, ku bëhet rakordimi i saj me atoi të regjistruara. Policia e Shtetit nuk është një organ që mund të bashkojë pjesë të ndryshme të një ikone, por ato bëhen në laburatoret tona”, tha ajo.
Deputetja e PD-së Dhurata Çupi kërkoi shpjegime se pse në këto 30 vite ka dështuar Shqipëria në grumbullimin e veprave të artit, dhe pse duhet Shqipëria t’ia kthejë palës maqedonase këto ikona të identifikuar tashmë.
“Pra nga këto 2200 vepra arti asnjë nuk është kthyer dhe gjetur deri tani?
Me këtë draft Maqedonia e Veriut kërkon 27 vepra arti. Po ne si Shqipëri sa vepra arti kemi atje? Dhe pse nuk parashikohet në këtë draft kjo?”, iu drejtua Çupi zëvendësministres Kumbe, e cila sqaroi se kjo është vetëm për vendin tonë, pasi ne i kemi marrëveshjet në fuqi për angazhimin e policive të përbashkëta.
“Pra pala Maqedonase nuk shpenzon asgjë për këtë, dhe ne kemi vendosur me këtë akt që të bëjmë investimet tona për këtë”, theksoi Kumbe.
Discussion about this post