Sipërfaqja totale e përmbytur në Bashkinë e Shkodrës është tkurrur krahasuar nga një ditë më parë me 80 hektarë. Edhe pse një ditë më parë nuk kishte reshje shiu, atje vijon të jetë nën ujë një sipërfaqe prej 1320 hektarësh.
Në Njësinë Administrative Ana e Malit vijon të jetë 1300 hektarë sipërfaqja e përmbytur. Në rrugën e Obotit ka prezencë uji në nivelin 75 centimetra dhe nuk ka ndryshuar krahasuar me dje.
Në Obot ka prezencë uji në oborre në 15 banesa. Aktualisht në Obot operon një mjet i kalueshmërisë së lartë së bashku me 4 forca të ushtrisë.
Ndërsa në Njësinë Administrative Dajç ka mbetur e përmbytur një sipërfaqe me 20 hektarë.
Discussion about this post