Kanë përfunduar ndeshjet e kualifikueseve të Botërorit Katar 2022 për këtë mbrëmje, ku ekipet e mëdha e bënë më së miri detyrën.
Franca arriti një fitore shumë të thellë duke ‘fundosur’ Kazakistanin me rezultatin surprizë 8-0, ku Mbappe arriti të shënojë katër gola, Benzema dy të tillë dhe nga një për Rabiot dhe Griezman në Park De Prince të tejmbushur nga tifozët.
Belgjika gjithashtu ia ka dale të triumfojë kundër Estonisë me rezultatin 3-1. Gjithashtu edhe Uellsi ia ka dale të bindë këtë mbrëmje kundër Bjellorusisë me rezulatin final të takimit që u mbyll me shifrat 5-1.
Mali i Zi do të ishte ‘hirushja’ e kësaj mbrëmje ku arritën të ndalojnë Hollandën në barazimin 2-2 në Podgoricë.
Goli i Depay në këtë takim do të ishte historik për të pasi e listoi në vendin e gjashtë të golashënuesve me Kombëtarën Hollandeze. Ky record u thellua edhe më shumë falë golit të dytë që Depay shënoi këtë takim, duke e dërguar shifrën në 37 gola me Kombëtaren, por nuk vlejti pasi vendasit arritën të shënojnë dy herë në minutat e fundit për ta mbyllur takimin me shifrat finale 2-2.
Holanda ka 20 pikë, dy më shumë se Turqia dhe Norvegjia, ndërsa ndeshjet e fundit do të vendosin se kush do të kualifikohet.
Discussion about this post