U konfliktua me armë në 2019, arrestohet 45 vjeçari nga Dibra

Një 45 vjeçar është arrestuar nga policia në Dibër pasi në 2019 u përfshi në një konflikt me armë zjarri.

Ai akuzohet gjithashtu se ka kryer veprime për të penguar zbulimin e të vërtetës në ngjarjen e ndodhur.

Shtetasi U. T., 45 vjeç, banues në Bulqizë, ishte i shpallur në kërkim , për veprën penale “Veprime që pengojnë zbulimin e së vërtetës”, pasi Gjykata e Rrethit Gjyqësor Dibër kishte caktuar ndaj këtij shtetasi masën e sigurisë “Arerst në Burg”.

“Në qershor të vitit 2019, në vendin e quajtur “Unaza e re”, dy vëllezërit A.T dhe M.T( të arrestuar më parë nga Policia), kanë plagosur me armë zjarri shtetasin B.D. Si rezultat i hetimeve të thelluara ka rezultuar se pjesë e këtij konflikti ishte dhe shtetasi U.T., i cili gjatë dhe pas ngjarjes, ka kryer veprime duke penguar zbulimin e së vërtetës së kësaj ngjarjeje,” njoftoi policia.

Gjykata e Apelit Tiranë në maj të vitit 2022 e ka dënuar këtë shtetas me 8 muaj burg.