Sekretariari për Procedurat, Votimet dhe Etikën ka vendosur këtë të premte përjashtimin me 10 ditë nga komisionet dhe seanca plenare e Kuvendit Sali Berishën dhe katër deputetë të tjerë të PD.Mazhoranca socialiste kërkoi përjashtimin për këta deputetë:
Sali Berisha
Flamur Noka
Belind Këlliçi
Edmond Spaho
Edi Paloka
Deputetët socialistë që kërkuan përjashtimin janë: Ismet Beqiraj, Petro Koçi, Denis Deliu, Arben Pëllumbi, Ermonela Felaj, Momi Kodheli dhe Gerta Duraku.
Kjo pas kaosit të krijuar të enjten në seancën plenare, ku opozita bllokoi foltoren dhe projektligjet u miratuan me shpejtësi nga mazhorannca në mes të zhurmës, së bërtiturave dhe goditjes së tavolinave.
Seanca degradoi pasi opozita kërkoi që kryeministri Edi Rama të ishte i pranishëm për të dhënë llogari për akuzat ndaj tij për lidhjet me ish zyrtarin e arrestuar të FBI-së.
Discussion about this post