Deputeti i Partisë Demokratike, Ervin Salianji, në një konferencë për mediat, ka folur për çështjen McGonigal.
Salianji thekson se ka bërë kërkesë në SPAK, por edhe në SHISH, si dhe Ministrinë e Brendshme, që të nisin hetimet për këtë rast skandaloz.
Salianji: Të gjitha mediat ndërkombëtare e kanë pasur në faqe të parë dhe lajm të parë Shqipërinë, si një vend i cili ka tentuar të korruptojë në këtë rast. Unë s’mund të bëj dot as prokurorin, as akuzatorin, por moralisht mendoj se nuk ka asnjë çështje më të rëndësishme. Nuk ka asnjë reagim nga institucionet shtetërore. Në përmbushje të detyrës i kam çuar shkresë SPAK, SHISH si dhe Ministrisë së Brendshme bashkë me dy institucionet që ka në varësi.
Ky zyrtar ka mbuluar dhe Shqipërinë. Mediat prestigjoze që kanë i kam çuar në letër, pritet të dalë të shtunën për të pranuar ose jo akuzat që rëndojnë mbi të. Ai dyshohet se ka marrë 280 mijë dollarë. Akt padia e bërë publike nga autoritetet amerikane nuk ka publikuar dy personat që akuzohet për të A dhe B. Por mediat kanë zbuluar se kush janë këta dy persona, të cilët janë miq me njëri-tjetrin.
Discussion about this post