Policia e Lushnjës ka arrestuar një 26-vjeçar, pasi tre vjet më parë ka tentuar të marrë peng një 33-vjeçar.
Ky person, në bashkëpunim me dy persona që janë ndaluar më parë nga policia, kanë tentuar të marrin me forcë në mjet një shtetas.
“Specialistët për Hetimin e Krimeve të Komisariatit të Policisë Lushnjë kapën dhe ndaluan shtetasin e shpallur në kërkim A. B., 26 vjeç, banues në Lushnjë, pasi Gjykata e Shkallës së Parë Lushnjë i ka caktuar masën e sigurisë “Arrest në burg”, për veprën penale “Heqja e paligjshme e lirisë”.
Ky shtetas, në bashkëpunim me shtetasit Sh. K., 42 vjeç dhe G. M., 21 vjeç (të cilët janë ndaluar më parë nga Policia), në datën 06.12.2020, në fshatin Gradishtë, Divjakë, kanë tentuar të marrin me forcë në automjet, shtetasin J. Ll., 33 vjeç”, njofton policia.
Discussion about this post