Emri Zlatko Dalić ka qenë i lidhur me postin e hapur të trajnerit te Ajax. Tekniku i kombëtares, që e çoi Kroacinë në gjysmëfinalen e Botërorit të Katarit dhe fitues i medaljes së bronztë, është padyshim një nga njerëzit e përfolur në botën e futbollit.
‘All About Ajax’, një faqe e pavarur lajmesh holandeze, raporton se “Ajax ka kontaktuar me Zlatko Dalić dhe i ka bërë ofertën për t’u bërë trajner sezonin e ardhshëm, edhe pse ai është trajneri aktual i kombëtares kroate. Tre kandidatë të tjerë u pyetën, por ata nuk pranuan.” Ajax aktualisht është në vendin e pestë në Holandë dhe lideri Feyenoord, është në krye të tyre me shtatë pikë.
Dalić raportohet se aktualisht fiton 1.6 milionë euro bruto si trajner i kombëtares së Kroacisë dhe ka një kontratë me Federatën Kroate të Futbollit deri në fund të vitit 2024.
Ajax shkarkoi Alfred Schreuder nga posti i trajnerit, pas një serie prej shtatë ndeshjesh në ligë pa fitore dhe tani janë në kërkim të një trajneri të ri.
Në gjysmëfinale të Nations League, Kroacia do të luajë kundër Holandës, e cila do të luajë rolin e mikpritësit në fund të sezonit.
Discussion about this post