Kuvendi ka pranuar kërkesën e opozitës për interpelancë urgjente me kryeministrin Edi Rama.
Interpelanca u kërkua nga opozita për tu diskutuar në lidhje me arrestimin dhe akuzat e ngritura ndaj ish-zyrtarit të FBI McGanigal dhe përfshirjes së Ramës.
Kërkesa u pranua gjatë Konferencës së Kryetarëve ditën e sotme.
Konferenca e Kryetarëve futi në kalendarin e punimeve të Kuvendit kërkesën për interpelancë urgjente të kërkuar nga Grupi Parlamentar i Partisë Demokratike me kryeministrin Rama për skandalin McGonigal.
Ndërkohë që në mbledhjen e sotme, përfaqësuesja e PD në Konferencën e Kryetarëve, Flutura Açka ka ngritur më forcë shqetësimin për mënyrën se si u mbyll seanca e shkuar duke shmangur kështu debatin për skandalin McGonigal.
Açka e quajti fashizëm Parlamentar atë që ndodhi në Kuvend.
“Po ndodh fashistizimi i Parlamentit. Në nuk jemi as prokurorë dhe as inkuizitorë por jemi mandatuar të kërkojmë llogari dhe mbyllja e seancës është shkelje e Rregullores së Parlamentit dhe Kushtetutës së Republikës”, – mësohet të ketë thënë deputetja demokrate.
Discussion about this post