Ekipi i dëbimit të Komisariatit të Policisë së Firences ka kryer dëbimin nga territori italian të një 42-vjeçari shqiptar të ndaluar deri më tani në burgun Mario Gozzini në Firence, ku vuante dënimin me 14 vjet për veprën penale të vrasjes.
Ngjarja ndodhi në vitin 2008 në Grosseto, sipas rikonstruksioneve të kohës kur viktima, një bashkatdhetar shqiptar, u godit me thikë në fyt në kulmin e një mosmarrëveshjeje. Sulmuesi u kap pak më pas i gjakosur nga efektivët e Policisë së Shtetit, ndërsa 24-vjeçari ka ndërruar jetë si pasojë e plagës së marrë.
Më pas shqiptari është shoqëruar nga Policia e Shtetit në aeroportin e Pizës dhe është dorëzuar në avion nga personeli i specializuar i Zyrës së Emigracionit, drejt Shqipërisë. Këtu ai iu dorëzua autoriteteve të policisë vendase me ndalim kthimi në Itali për 10 vitet e ardhshme, nëse nuk dëshiron të përfundojë sërish në burg.
Discussion about this post