Kryedemokrati Sali Berisha ishte ditën e sotme në Vorë, aty ku mori pjesë në një ceremoni për të kujtuar 32-vjetorin e themelimit të degës së Partisë Demokratike.
Ai u shpreh se misioni i demokratëve është jetik dhe vetëm përballja mund ta “shporrë këtë kalbësirë nga skena e politikës shqiptare”.
“Në këtë kontekst misioni ynë është jetik është jetik për çdo demokrat. Miqtë e mi. Në monizmin e parë u bënë përpjekje të na mposhtin, por ne qëndruam, qëndruam duke patur armë të vetme idealet tona, duke patur frymëzim misionin që ne kishim. Sot përsëri bëhen përpjekje të jashtëzakonshme.
Kemi një armik përpara dhe ky armik duhet të përballet me ne. Përballje dhe vetëm përballje për të shporrur këtë kalbësirë nga skena politike shqiptare. Demokrate dhe demokratë. Ne ecim të sigurt drejt fitores, Drejt fitores që meritojmë”, u shpreh Berisha.
Sipas Berishës, Rama duhet të largohet nga pushteti.
“Edi Rama duhet të largohet një minutë e më parë nga pushteti. Ju ftoj të betohemi në këtë sallë se do të ngriheni me gjithë guximin tuaj kundër një njeriu që nuk ka nder, nuk ka moral, s’ka normë, s’ka parim, s’ka ideal, s’ka atdhe. Koha thërret çdo vajzë, çdo djalë, çdo burrë, çdo grua të popullit opozitar në këtë mision historik”, u shpreh ai.
Discussion about this post