Zbulohet logo dhe slogani i Eurovision 2023

Është publikuar ditën e sotme logoja që do të shoqërojë festivalin më të madh të muzikës në Europë.

Slogani i “Eurovision” është “Të bashkuar në muzikë”, por ngjyra që mbizotëron është ajo e verdha si simbol ndaj Ukrainës.

Eurovisioni u fitua nga Ukraina në 2022, por për shkak të pushtimit rus, nuk do të mund të mirëpresë kompeticionin në asnjë qytet të vendit të pushtuar, ndaj dhe u vendos që kompeticioni të mbahej në vendin që u rendit i dyti.

Datat kur do të mbahet gjysmëfinalja janë 9 dhe 11 maj, ndërkohë finalja do të jetë me 13 maj. Shqipëria do të përfaqësohet me Albina dhe familja Kelmendi me këngën “Duje”.