Partia Demokratike është e vendosur që me protestat e saj të detyrojë kryeministrin Edi Rama të japë dorëheqje, duke i hapur rrugën zgjedhjeve të parakohshme në vend.
Sekretari për Diasporën në PD, Indrit Hoxha, si edhe kandidat për kryetar bashkie në Vorë tha se protesta e 11 shkurtit do të jetë pa kthim deri në largimin e kryeministrit.
“Edi Rama do largohet me çdolloj mjete dhe mënyrë demokratike. Protesta është një nga mjetet demokratike që ta mundëson këtë. Synimi është largimi i Ramës dhe vajtja drejt zgjedhjeve të parakohshme. Protesta do të jetë e pandalshme. DI të them që kjo është një protestë që pa ikur Rama nuk ndalon. Duhet të heqim Ramën, të përgatiten kushtet për zgjedhje të parakohshme.
Është nisja e një proteste pa kthim prapa. Kjo do të thotë që protesta do të përfundojë kur Edi Rama të largohet si kryeministër. Nuk mund të vazhdohet me Edi Ramën, nuk mund të shkohet në zgjedhje me Ramën, sidomos me këtë superskandalin që ai ka korruptuar zyrtarin e lartë të FBI-së.
Koha e fjalëve në protestë ka përfunduar. Nuk do jetë protestë që do mbajmë fjalime dhe më pas të ikim në shpi. Kjo është nisja e protestës pa mbarim. Pra do të mbyllet si protestë kur Rama të largohet nga drejtimi i vendit. Starton në datën 11 në orën 12 dhe do mbarojë kur të largohet Rama.
Nëse nuk ikën Rama ky do jetë dështim i opozitës shqiptare. Zgjedhje me Ramën nuk do ketë dhe nuk ka. Unë ju siguroj që në zgjedhjet lokale nuk do shkojmë me Ramën kryeministër.
Discussion about this post