Federata Italiane e Futbollit ka rinisur një hetim për Luciano Moggi-n.
Ky i fundit, i përjashtuar përjetë nga futbolli për rastin e Calciopol në 2006, është parë në fushë dhe pankinën e Juventusit gjatë ndeshjes për të rinjtë kundër Napolit. Episodi në fjalë është regjistruar më 14 janar dhe pasi pamjet u bënë virale, prokuori i federatës ka nisur një hetim për rastin.
Përveç Juventusit, në hetim do përfshihet edhe Napoli ,pasi ka qenë klubi organizator në këtë rast.
Kujtojmë se Luciano Moggi është një emër shumë i njohur edhe në Shqipëri, pasi në një farë periudhe, pas përjashtimit në Itali, ishte drejtor sportiv i Partizanit në Shqipëri.
Discussion about this post