Mesut Ozil mendon të varë këpucët në gozhdë

Futbollisti turk Mesut Ozil mendon që t’i jap karrierës. Këtë e ka bërë të ditur gazetari turk Yakup Cinar i cili punon për gazetën ‘Fanatik’

Ozil, i cili aktualisht është nën kontratë me Basaksehir, e ka marrë këtë vendim pas ndeshjes së fundit të ligës, shkruan Cinar.

Në humbjen 1-0 kundër Kayserispor, Özil ishte në formacionin startues për herë të parë këtë sezon pas një pauze të gjatë dëmtimi (probleme me shpinë) por u zëvendësua në pushim.

Sipas “Fanatik”, Ozil nuk është paraqitur në stërvitje pas ndeshjes dhe ka njoftuar bashkëlojtarët e tij dhe përgjegjësit në klub se do të dëshironte të zgjidhte kontratën (deri në qershor 2023) dhe të largohej nga futbolli.

Mesfushori sulmues kaloi nga Fenerbahce te Basaksehir vetëm në fillim të këtij sezoni.

Atje ai bëri 22 paraqitje në ligë sezonin e kaluar dhe shënoi tetë gola.

Këtë sezon, Ozil ka bërë vetëm katër paraqitje në SuperLigë në 22 ndeshje (gjithsej 70 minuta) dhe nuk ka shënuar asnjë gol.