Vrau një 22-vjeçar në Francë dhe u arratis për Tiranë, 20 vite burg

Një 29-vjeçar shqiptar është dënuar me 20 vite burg nga gjykata e Assize Loire-Atlantique në Francë, pasi akuzohet për vrasjen e një të riu.

Sipas mediave franceze, shqiptari – i paidentifikuar – dyshohet se ka qëlluar me armë gjahu në bark një 22-vjeçar më 11 tetor të vitit 2019 duke e lënë të vdekur.

Mediat raportojnë se një ditë pas ngjarjes së rëndë, shqiptari ishte arratisur drejt Tiranës. Në paraburgimin e policisë, ai pranoi se ishte autori i krimit ndërsa ka mohuar se donte ta vriste të riun.