Banorët e ‘5 Majit’ nuk i ndalin protestat

Këtë të diel banorët e ‘5 Majit’ janë ngritur sërish në protestë. Sipas tyre, nëse nuk dëmshpërblehen, protestat nuk do të ndalen.

Banorët janë grumbulluar pranë banesave të tyre për të dhënë mesazhin se protesta nuk është shuar, por përkundrazi do të vazhdojë deri në plotësimin e kushteve të tyre.

Bashkia e Tiranës u ka ofruar një kontratë në të cilën banorët do të futen në shtëpi të reja, në momentin që prishen banesat e tyre. Kjo zgjidhje nuk është pritur mirë nga ana e tyre, të cilën e cilësojnë si jo të drejtë.
Protestat e banorëve të ‘5 Majit’ vijojnë prej shumë kohësh, ndërsa akuzat e tyre janë drejtpërdrejt për Veliajn dhe kryeministrin Edi Rama.
Gjithashtu, pjesë e kritikave ka qenë edhe opozita ku sipas banorëve nuk po i mbështet aspak.