Ky është më i votuari në zgjedhjet e raundit të dytë në Kosovë

Burim Berisha i LDK është kandidati më i votuar për kryetar të komunës, kur janë numëruar shumica e votave të rregullta në gjithë vendin.

Pas numërimt të 95,92% të votave në Fushë Kosovë, sipas KQZ-së, Berisha prin me 66,05% të votave, që është deri tani përqindja më e lartë e votave të fituara në balotazh deri më tani. Berisha ka siguruar dhe një tjetër mandat në krye të Fushë Kosovës.

Ilir Ferati nga e njëjta parti renditet i dyti për nga kandidatët më të votuar në balotazh. Ai udhëheq në Istog me 56,37%, krahas 43,63% që ka marrë kundërshtari i tij.
Gjithashtu Ardian Gjini po shënon fitore bindëse në Gjakovë. Kandidati i AAK-së ka marrë 55,99% të votave deri më tani. 44,01% i ka marrë i kandidatja e LVV, Mimoza Kusari-Lila.
Ekrem Kastrati, kandidati i partisë Nisma të Fatmir Limajt, ka fituar 54,07% të votave në Malishevë.