Belind Këlliçi, kandidati i opozitës për bashkinë e Tiranës, e ka akuzuar për hipokrizi, kryebashkiakun socialist Erion Veliaj lidhur me qendrimin e tij dhe nderimin që meriton, një figurë përbashkuese, një personalitet i lartë si Ibrahim Rugova. Debati u ndez pas vendimit të bashkisë së Tiranës për të shkurtuar rrugën që mban emrin e Presidentit historik të Kosovës, pas Bankës së Shqipërisë.
“Rrugët e kryeqytetit duhet të mbajnë emrat e personaliteteve që bashkojnë shqiptarët dhe emri i Ibrahim Rugovës nderon Tiranën, Republikën e Shqipërisë dhe çdo shqiptar tabani.
Veprimi i kryebashkiakut të vjetër, dëshmoi dyfytyrësinë e tij, që nga njëra anë shitet si patriot duke drejtuar Unionin e Bashkive Shqiptare në Rajon dhe nga ana tjetër fyen Kosovën dhe gjithë shqiptarët me këtë veprim nëpërkëmbës ndaj figurës emblematike të Rugovës.
Kryebashkiaku i tanishëm ka shkaktuar një debat të pahijshëm përçarës kur vetë ai, pak muaj më parë, mbante fjalimin ceremonial gjatë dhënies së shtetësisë shqiptare për familjen Rugova. Ndërkohë, nuk duhet harruar se për 8 vite me rradhë Veliaj pengoi vendosjen në Tiranë të shtatores së Presidentit historik, Dr. Ibrahim Rugova. Hipokrizia në kulm. Turpi ka emër!”, shkruan Këlliçi
Discussion about this post