Agjencia gjermane e ndihmës po përgatitet të dhurojë ndihma për rajonin e prekur nga tërmeti vdekjeprurës i të hënës që ka vrarë deri më tani të paktën 1500 persona dhe ka plagosur mijëra të tjerë në Turqi dhe Siri.
Ajo do të dorëzojë tenda, batanije dhe gjeneratorë të energjisë emergjente. Lajmi është bërë me dije nga zëdhënësi i qeverisë, Maximilian Kall.
Pasi bisedoi me ambasadorin turk në Berlin, ministrja e Brendshme gjermane Nancy Faeser u zotua të dërgojë të gjithë ndihmën e nevojshme.
Turqia ka kërkuar të vendoset një ekip i Mbrojtjes Civile nga shtetet e Europës. Nga ana tjetër NATO dhe BE kanë ofruar të dërgojnë ndihma pas katastrofës natyrore.
Discussion about this post