Klubi i Manchester United pritet të largojë shumë lojtarë gjatë verës së vitit 2023. Sipas mediave britanike, Red Devils, duan të ulin tavanin e pagave në mënyrë që të kenë të ardhura të mjaftueshme për të afruar lojtarë të rinj.
Me shumë gjasa, nga Old Trafford, pritet të largohen, francezi 27 vjeçar Anthony Marcial, braziliani Alex Telles si dhe ai që është cilësuar nga shumë tifozë të United si blerja më e dështuar në historinë e klubit, anglezi Harry Maguire.
Për sa i përket afrimeve, Manchester United, synon dy sulmuesët më në zë të momentit, Harry Kane dhe nigerianin e Napolit Victor Osimhen.
Për goleadorin e Napolit ka një shpresë minimale ndërsa për kapitenin e kombëtares angleze, rruga është e ndërlikuar duke parë që Tottenham nuk synon të largojë atë që tashmë është lojtari me më shumë gola të shënuar në historinë e klubit.
Discussion about this post