Situata e ndërlikuar e Manchester Cityt me drejtësinë sportive angleze duket se po favorizon në një lloj mënyrë eksodin nga Etihad Stadium. Nga mediat spanjolle bëhet me dije se një nga titullarët e ekipit është pranë transferimit në La liga.
Fjala është për mesfushori i përfaqësueses së Spanjës, Rodri. Gazeta “Mundo Deportivo” shkruajti të martën se Rodri pritet t’i bashkohet Barcelonës, ekip që tashmë ka shprehur interesim për shërbimet e tij.
Te Barcelona, Rodri po shihet si pasardhës i Sergio Busquetsit dhe 26-vjeçari është i gatshëm për t’u transferuar në “Camp Nou”. Ai ka kontratë me Manchester Cityn deri në vitin 2027 dhe kartoni i tij vlerësohet mbi 70 milionë euro.
Rodri para tre vjetësh u bashkua me Cityn nga Atletico e Madridit, ndërsa më parë në Spanjë ka luajtur edhe te Villarreali. Ai ka shënuar një gol e ka dhënë pesë asistime këtë sezon në të gjitha garat për ekipin anglez.
Discussion about this post