Avokati Ilirjan Muho, përfaqësuesi ligjor i ish-zyrtares së Kryeministrisë, Alda Klosi ka treguar detaje nga seanca e zhilluar këtë të martë në Gjykatën e Tiranës ku Klosi u la në burg.
Sipas avokatit, ish pastruesja Rozeta Dobi ka dhënë deklarime të ndryshme në të katërta herët që është marrë në pyetje.
Prokurori, tha avokati, ka sjellë si provë deklarimin e bërë nga Rozeta Dobi në datën 3 shkurt, ditën kur edhe u ndalua ish këshilltarja.
Muho tha se deklaratat e Dobit janë të pavërteta.
“Jam i keqaardhur nga vendimi i gjykatës, ishte një vendim që veproi të ligjshem veprimt e prokurorisë. Natyrisht që pati një debat të gjatë, prokurori paraqiti si provë nga e arrestuara Rozeta Dobi, ishte deklarim i marrë ditët e fundit. I ka dhënë një vlerë të paracaktuar këtij deklarimi, është hera e 4 që pyetet dhe ka dhënë nga një version të ri. Më 3 shkurt ka pranuar se këto veprime i ka bërë në marrëveshje me Klosin.
Nuk është vërtetë. Nëse do të ishte kështu si është e mundur që pasaporta bashkë me lekët është hapur dhe hedhur në kazan plehrash? Si nëna dhe djali kanq mbajtur të njëjtin qëndrim ku kanë deklaruar vjedhjen e Alda Klosit.
Nëse do ishte e vëretet që do kishte marrëveshje, si ka mundësi që në banesën e kësaj shtetases janë gjetur sende të vjedhura në banesa të tjera. Kemi të bëjmë me një shtetase që ka një qëllim të caktuar, të lëhtësojë pozitën e saj, se është zënë me presh në dorë, të përpiqet të fitojë një pozitë të lehtësuar për djalin e saj.
Në fazën e hetimeve nga vëllai i saj është paraqitur një kontratë huadhënie, ka nënshkruar një deklaratë ku janë dhënë 120 mijë euro për kurimin e xhaxhait të saj, që ishte diagnistikuar me tumor. Janë mbajtur në shtëpinë e nuses së xhaxhait dhe më pas i janë kthyer Aldës në shtëpi.
Lekët janë për xhaxhain se ishte për tu kuruar. Mos u cudisni që nëse nuk merr atë që pretendon të jemi para një deklarimi tjetër. Deklarimet e saj janë të pavërteta”, tha avokati.
Discussion about this post