Aksident në aksin Peqin-Elbasan, dy të plagosur

Një aksident me pasojë plagosjen e dy personave është shënuar në aksin e rrugës Peqin-Elbasan.

Aksidenti ka ndodhur gjatë drekës së ditës së sotme në afërsi të një blloku banimi në Bradashesh.

Si pasojë e përplasjes të dy automjet janë dëmtuar pjesërisht, ndërsa dy persona kanë mbetur të plagosur dhe janë dërguar për mjekim në Spitalin Rajonal të Elbasanit.

Ndërkohë policia ka dokumentuar ngjarjen dhe ka disiplinuar qarkullimin në ketë aks ku ka pasur kaos për disa minuta për shkak të aksidentit.