Cody Gakpo duket se është bashkuar tepër herët te skuadra e Liverpool dhe për këtë po vuan për të gjetur formën optimale njësoj si në ekipin e PSV Eindhoven, këtë pretendon trajneri i Holandës Ronald Koeman. 23 vjeçari shënoi tre gola për përfaqësuesen e tij në Katar 2022.
“ai përfundoi në një skuadër që është në një moment negativ. Nëse nuk shënon ose nuk je faktor për ekipin tënd edhe mbi të gjitha nuk fiton ndeshjet bëhet tejet e vështirë psikologjikisht” deklaroi Koeman.
Trajneri holandez shtoi se mund të jetë e vështirë për talentet e vëndit të tij që të përshtatet në ligat elitare duke theksuar se niveli i futbollit anglez është tejet i lartë dhe është e vështirë për të huajt që të ambientohen menjëherë.
Discussion about this post