Nënkryetarja e Partisë së Lirisë Erisa Xhixho ka deklaruar ditën e sotme se harta e re gjyqësore ka kufizuar aksesin në drejtësi dhe po cenon rëndë të drejtën e qytetarëve për një proces të rregullt.
Ajo deklaroi nga selia e PL se sot mijëra qytetarë detyrohen të udhëtojnë me orë të tëra në përpjekje për të vënë në vend të drejtën e tyre duke shpenzuar kohë dhe të ardhura në një vend ku shumica e tyre jetojnë me nën 5 dollarë në ditë.
Xhixho theksoi se në këto kushte drejtësia po kthehet në luks për qytetarët. “11 shkurti është dita për të kërkuar llogari deri më një për çdo të drejtë të mohuar nga kjo qeveri e kapur”, deklaroi ajo.
Deklarata
Harta e re gjyqësore që ka hyrë në fuqi nga 1 shkurti, pavarësisht kundërshtisë së Dhomës së Avokatëve, ekspertëve dhe qytetarëve, ka kufizuar aksesin në drejtësi dhe po cenon rëndë të drejtën e qytetarëve për proces të rregullt, të shpejtë dhe të drejtë ligjor.
Kjo hartë bie në kundërshtim me Rezolutën e Parlamentit Europian që u miratua në 19 maj 2022 që shprehte shumë qartë se;
Ndërkohë sot mijëra qytetarë detyrohen të udhëtojnë me orë të tëra, në përpjekje për të vënë në vend të drejtën e tyre. Kohë dhe shpenzime të shtuara për një vend, ku 67% e qytetarëve jetojnë nën 5 dollarë në ditë.
Nëse flasim për parametra ndërkombëtarë, shërbimi i drejtësisë duhet të jetë 10 min larg vend qëndrimit të autobuzit, sepse duhet të jenë pranë publikut.
Me hartën e re, drejtësia kthehet në një luks që nuk e përballojnë dot të gjithë.
Sot në Apelin e Tiranës ka plot 32 mijë dosje që presin të shqyrtohen dhe vetëm 30 gjyqtarë. Qytetarët do të duhet të presin me vite për të marrë drejtësinë që kërkojnë.
Harta e re gjyqësore motivon emigracionin dhe zbrazjen e zonave nga avokatet, noterët dhe ekspertët e ligjit, duke i përqendruar vetëm në Tiranë. Kjo do të ndikojë te shpopullimi masiv që u ka ndodhur qyteteve të Shqipërisë vitet e fundit.
Kjo hartë nuk është rastësi, por vazhdimi i një axhende të qartë të qeverisë për shpopullimin e vendit duke mbyllur shërbimet e duke e bërë gjithnjë e më të vështirë jetesën normale në këtë vend.
Me 11 shkurt, shqiptarët do të jenë të gjithë në këmbë për drejtësinë që kjo qeveri po ua bën të pamundur.
Discussion about this post