Tërmeti në Turqi e Siri është bërë një nga fatkeqësitë natyrore më shkatërruese në shekullin e 21-të, me numrin provizor që është 17.000 njerëz (ka gjasa të rritet ndjeshëm). Kjo fatkeqësi është një nga më të rëndat e kohëve të fundit por në fillim të shekullit ka pasur lëkundje edhe më të forta të cilat kanë rezultuar fatale për qindra mijëra njerëz:
Në vitin 2003 Irani u përball me një tërmet me magnitudë 6.6 i cili goditi provincën juglindore të Kerman dhe qytetin Bam. Rreth 31,000 jetë u humbën. Një vit më vonë, në Oqeanin Indian një tërmet me magnitudë 9.15 afër ishullit Sumatra shkaktoi një cunami në Indonezi, Tajlandë, Indi, Sri Lanka dhe vende të tjera, duke vrarë të paktën 230,000 njerëz.
Në 2005-ën, një tërmet me magnitudë 7.6 goditi Islamabadin, kryeqytetin e Pakistanit, duke vrarë të paktën 73,000 njerëz, si dhe Kashmirin Indian, ku vdiqën 1,244 persona.
Në vitin 2008, ishte rradha e Kinës që të bënte llogaritë me këtë lloj fatkeqësie. Provinca e Sichuan u godit nga një tërmet me magnitudë 7.8, mbi 87.000 persona u deklaruan të vdekur. Dy vite më vonë, Kryeqyteti i Haitit Port-au-Prince u shkatërrua nga një tërmet me magnitudë 7.0, i cili vrau rreth 316,000 qytetarë.
Discussion about this post