Gjykata e Tiranës ka vendosur masën e sigurisë “arrest me burg” për Marjol Alikon, i cili akuzohet se teksa qarkullonte me makinë në bulevardin Zhan D’Ark, ka përplasur për vdekje 75-vjeçaren, Dituri Koprencka.
Në seancën gjyqësore sot, Aliko i ka kërkuar falje familjarëve të viktimës, e më pas është shfajsuar duke u shprehur se në momentin e aksidentit i kishte rënë dielli në sy. Ndaj dhe nuk e kishte parë të moshuarën teksa kalonte rrugën.
Ndërkohë që sa i takon testit të drogës ndaj të cilit rezultoi pozitiv, 23-vjeçari tha se nuk kishte konsumuar atë ditë por disa ditë para aksidentit.
Duke u bazuar tek mbrojtja e klientit, avokati mbrojtës i të riut, Edvis Gorishti kërkoi një masë më të lehtë sigurie nga Gjykata duke shtuar se 23-vjeçari kishte shprehur ndjesë për vrasjen, ndërsa edhe më parë nuk kishte dënime. Por kërkesa e tij është hedhur poshtë nga trupa gjykuese.
Ditën e ngjarjes, sipas prokurorisë, Marjol Aliko kishte konsumuar drogë në ditën e aksidentit dhe ka hyrë në rrugë me semafor të kuq duke përplasur të moshuarën që po kalonte në vijat e bardha. Ndaj dhe nuk e pranojnë versionin e tij lidhur me aksidentin që solli vdekjen e të moshuarës.
Discussion about this post