Në Itali, duket se nuk i ndahen skandalet Juventusit. Historia e klubit bardh e zi është theksuar nga problemet për sa i përket ccështjeve jashtë fushave të lojës. Edhe këtë vit nuk është ndryshe. Nga dokumentat e hetimit Prisma, dalin përgjime të reja për Juventusin dhe ish-drejtuesit e saj.
Corriere della Sera i publikoi e aty merkato bardhezi është përsëri në qendër të diskutimeve. Një shënim i Guardia di Finanza i gushtit 2021, në veçanti, raporton përmbajtjen e një telefonate midis Federico Cherubini dhe Andrea Agnelli. Mes tyre përmendet Federico Chiesa: “Cherubini thotë se profili i Chiesa nuk i duket atij ai i një lojtari që mund të qëndrojë te Juventus për shumë vite. Kjo për shkak të stafit të tij që është në kërkim të rritjeve të konsiderueshme ekonomike”.
Cherubini, duke folur me menaxherin e fushës së financave Stefano Bertola, drejtoi sërish gishtin nga menaxhimi i Fabio Paratici: “Më i keqi i yni fiton sa më i miri i Atalantës. Zapata merr 1.8 milionë. Nëse blejmë një qen do t’i jepnim 3 milion e gjysmë. Ishim arrogantë në merkato, sepse Fabio i 5 viteve më parë nuk merrte Higuain për 90 milion, por merrte Gabriel Jesus me 10 dhe e bën të vlejë 90”.
Discussion about this post